میامی: ہائی وے پر محوِ سفر خاتون کے ونڈ اسکرین پر اچانک کچھوا ٹکرانے سے کار کا ونڈ اسکرین ٹوٹنے سے خاتون معمولی زخمی ہوگئیں۔
تفصیلات کے مطابق فلوریڈا سے تعلق رکھنے والی خاتون ہائی وے پر محوِ سفر تھیں کہ اچانک سے کوئی غیر معمولی چیز فضاء میں اُڑتی ہوئی آئی اور کار کے ونڈ اسکرین سے ٹکرا گئی،جس سے ونڈ اسکرین ٹوٹ گئی اور وہ ’’غیر معمولی چیز‘‘ کار کے دیش بورڈ پر آن گری۔
خاتون اس اچانک کی افتاد پر گھبرا گئیں اور معاملے کو ’’غیر مرئی‘‘ طور پر لے کر فوری طور پر تصاویر کھینچ کر فیس بک پر اپ لوڈ کر دی،جسے فوری طور پر 9000 لوگوں نے شئیر کیا، اس موقع پر ان کے اہلِ خانہ اور اور دوستوں نے حیرانگی کا مظاہرہ کیا۔
ہائی وے پولیس آفیسر نے فوری طور پر پہنچ کر واقعہ کی تفصیلات لیں،تو پتہ چلا کے کہ خاتون کی کار سے ٹکرانی والی چیز کوئی ’’خلائی مخلوق‘‘ چیز نہیں بلکہ ایک کچھوا تھا جسے ہائی وے پہ گذرنے والی ایک گاڑی سے باہر پھینکا گیا، اور کچھوا اُڑتا ہوا خاتون کی گاڑی کی ونڈ اسکرین سے ٹکرا گیا۔
اس حادثے میں خاتون کو ونڈ اسکرین کے شیشے لگنے کی وجہ سے کچھ خراشیں آئیں ہیں،خاتون کو ابتدائی طبی امدا دے دی گئی جب کہ کچھوے کو واپس قریبی تالاب میں چھوڑ دیا گیا۔