The news is by your side.

Advertisement

ٹوئٹر انتظامیہ کا ڈونلڈ ٹرمپ کے ٹوئٹس پر انتباہ جاری

واشنگٹن : ٹوئٹر انتظامیہ نے امریکی صدر ڈونلڈ ٹرمپ کی جانب سے گزشتہ روز کیے گئے ٹوئٹس پر ان کو انتباہی نوٹس جاری کیا ہے، ٹرمپ نے اپنے پیغامات میں صدارتی انتخابات کے نتائج سے متعلق الزامات لگائے تھے۔

سماجی رابطے کی ویب سائٹ ٹوئیٹر کی انتظامیہ نے صدر ڈونلڈ ٹرمپ کو امریکی صدارتی الیکشن متنازع بنانے والے ٹویٹس پر انتباہ جاری کردیا ہے۔

صدرٹرمپ نے اپنے ٹوئٹر پیغامات میں ریاست پنسلوانیا، جارجیا، نارتھ کیرولائنا میں ووٹ ضائع کرنے کاالزام عائد کیا تھا، ٹویٹر انتظامیہ نے شکست دینے کیلئے ووٹ ضائع کرنے کے الزامات پرانتباہ جاری کیا۔

انتخابات میں جیت کا دعویٰ مسترد، ٹوئٹر نے ٹرمپ کا ٹوئٹ ہٹا دیا

گزشتہ روز سماجی رابطے کی ویب سائٹ ٹوئٹر پر اپنے پیغام میں امریکی صدر کا کہنا تھا کہ بڑی کامیابی کا اعلان آج کروں گا، ہماری کامیابی یقینی ہے لیکن الیکشن کو چوری کرنے کی کوشش کی جا رہی ہے، انہوں نے کہا کہ جیتنا آسان ہے لیکن ہارنا کبھی آسان نہیں ہوتا۔

واضح رہے کہ گزشتہ ماہ بھی ٹوئٹر اور فیس بک انتظامیہ نے امریکی صدر ڈونلڈ ٹرمپ کی کورونا وائرس سے متعلق کی گئی پوسٹ کو ہٹا دیا تھا جس میں ٹرمپ نے کورونا وائرس کو فلو سے کم مہلک قرار دیا تھا۔

مزید پڑھیں : ٹوئٹر اور فیس بک کا ٹرمپ کے خلاف ایکشن

ٹرمپ نے اپنی ایک سوشل میڈیا پوسٹ میں کورونا وائرس کو فلو سے کم مہلک قرار دیا تو فیس بک نے اسے ڈیلیٹ کردیا جب کہ ٹوئٹر نے اسے گمراہ کن اور خطرناک معلومات پھیلانے کی وارننگ کے ساتھ چھپا دیا تھا۔

Comments

یہ بھی پڑھیں