ممبئی: سپر اسٹار شاہ رخ خان اور ڈیپیکا پڈوکون کی فلم ’پٹھان‘ کا نیا گانا جھوم جو پٹھان گزشتہ دنوں ریلیز کیا گیا۔
’جھومے جو پٹھان‘ نے ریلیز کے بعد پہلے 9 گھنٹوں میں ایک کروڑ ویوز حاصل کر لیے لیکن ساتھ ہی صارفین نے اس گانے کو بھی آڑے ہاتھوں لے لیا ہے۔
اس گانے کو گلوکار اریجیت سنگھ، سُکریتی ککڑ، وشال اور شیکھر نے گایا ہے۔
25 جنوری 2023 کو ریلیز ہونے والی فلم ’پٹھان‘ کے نئے گانے کے بارے میں ٹوئٹر پر صارفین کی جانب سے مایوسی کا اظہار کیا جا رہا ہے۔
While Tom Cruise is doing impossible stunts at 60, Shahrukh Khan is making cringe like #JhoomeJoPathaan at 57. I really thought he'd bring something fresh https://t.co/DHTVdHsgbs
— Deepika Narayan Bhardwaj (@DeepikaBhardwaj) December 22, 2022
ٹوئٹر صارف دیپکا نرائن بھردواج نے لکھا کہ ٹام کروز 60 سال کی عمر میں ناممکن کرتب کر رہے ہیں اور شاہ رخ خان 57 سال کے ہو کر ایسے بوریت سے بھرپور گانے بنا رہے ہیں، میں سمجھ رہی تھی کہ اب کچھ نیا دیکھنے کو ملےگا۔
ایک اور صارف کا کہنا تھا کہ پریتم کو ہی بلا لو بھئی، بندا کاپی کرتا ہے لیکن کم سے کم گانا تو اچھے بنا دیتا تھا، ایک صارف نے لکھا کہ بکواس گانا ہے، مووی تو فلاپ ہوتی ہے آپ کی اس بار گانے بھی ایسے ہی ہیں۔
واضح رہے کہ فلم کا ابھی تک ٹریلر جاری نہیں کیا گیا لیکن گانوں کے اسٹریمنگ پلیٹ فارم اسپاٹیفائی پر ’پٹھان‘ کے میوزک البم کو ریلیز کیا گیا ہے۔