The news is by your side.

Advertisement

گڈانی کے ساحل پر 2 افراد ڈوب کر جاں بحق

حب: گڈانی کے ساحل پر نہاتے ہوئے دو افراد ڈوب کر جاں بحق ہوگئے جن کی لاشیں نکال لی گئیں۔

تفصیلات کے مطابق کراچی سے ملحقہ بلوچستان کے ضلع حب کے علاقے گڈانی کے ساحل پر دو نوجوان گڈانی کے ساحل پر نہاتے ہوئے ڈوب گئے، مرنے والے دونوں افراد کا تعلق کراچی سے ہے۔

متوفی ابراہیم کراچی کے علاقے لیاقت آباد اور سعد گلبرگ کا رہائشی بتایا جاتا ہے، دونوں افراد آج صبح سمندر میں ڈوبے تھے۔

ریسکیو ذرائع کے مطابق دونوں افراد کی لاشوں کو ضابطے کی کارروائی کے لیے سول اسپتال منتقل کردیا گیا ہے، جس کے بعد لاشیں ورثاء کے حوالے کردی جائیں گی۔

مزید پڑھیں: گڈانی کے ساحل پر نہاتے ہوئے 6افراد سمندر میں ڈوب گئے

واضح رہے کہ گزشتہ سال جون میں گڈانی کے ساحل پر چھ افراد ڈوب کر جاں بحق ہوگئے تھے، ڈوبنے والے افراد کا تعلق کراچی کے علاقے لیاری کچھی پاڑا سے تھا جو تفریح کی غرض سے ساحل سمندر پر گئے تھے۔

یاد رہے کہ گزشتہ سال جون میں ہی کراچی کے ساحل ہاکس بے پر پکنک منانے والے دو افراد ڈوب گئے تھے، جس کے اگلے روز دونوں نوجوانوں کی لاشیں نکال لی گئیں تھی۔

Comments

comments

یہ بھی پڑھیں