کراچی : شاہ فیصل کالونی سے اغوا ہونے والے دو کم سن بچوں کو بازیاب کرالیا گیا اور چار اغوا کاروں کو بھی گرفتار کرلیا۔
تفصیلات کے مطابق کراچی کے علاقے شاہ لطیف ٹاؤن میں رینجرز اور پولیس نے کارروائی کرتے ہوئے شاہ فیصل کالونی سے اغوا ہونے والے دو کم سن بچوں کو بازیاب کرالیا گیا۔
کارروائی کے دوران فائرنگ کے تبادلے کے بعد دو زخمیوں سمیت چار اغوا کاروں کو گرفتار کرلیا۔
اغواکاروں نے بچوں کے والد سے پانچ کروڑر وپے تاوان مانگا تھا، پولیس نے بتایا کہ رینجرز کی ٹیکنیکل ٹیم نے بچوں کو ٹریس کیا اور کارروائی میں مدد کی۔
ملزمان سے اسلحہ موبائل فونز اورموٹرسائیکل برآمد کرکے بچوں کے والد کی مدعیت میں اغوا کا مقدمہ درج کرلیا ہے اور مزیدتفتیش شروع کردی ہے۔
خیال رہے کراچی کے علاقے شاہ فیصل کالونی سے آٹھ سالہ رحیم اورتین سالہ روحان کوٹیوشن پر جاتے ہوئے اغوا کیا گیا تھا۔
