کراچی: شہر قائد میں گھگر پھاٹک کے قریب تیز رفتار ڈمپر کی ٹکر سے 2 افراد جاں بحق جبکہ 2 زخمی ہوگئے۔
تفصیلات کے مطابق کراچی میں گھگر پھاٹک کے قریب تیز رفتار ڈمپر کی موٹرسائیکل کو ٹکر سے 2 افراد جان کی بازی ہار گئے۔
ریسکیو ذرائع کے مطابق حادثے میں زخمی ہونے والے افراد کو جناح اسپتال منتقل کردیا گیا جہاں انہیں طبی امداد دی جا رہی ہے۔
اس سے قبل رواں ماہ 5 اپریل کو پنجاب کے شہر اٹک میں کوہاٹ روڈ کھنڈا موڑ کے قریب ٹریفک حادثے میں چار افراد موقع پر ہی جاں بحق ہوگئے تھے۔
اٹک: ہولناک ٹریفک حادثے میں چار افراد جاں بحق، 12 زخمی
یاد رہے کہ رواں سال جنوری میں صوبہ پنجاب کے شہر گوجرانوالہ میں تیزرفتار بس فٹ پاتھ سے ٹکرا کرالٹ گئی تھی جس کے نتیجے میں ایک شخص جان کی بازی ہار گیا تھا۔
پولیس کے مطابق بس جڑانوالہ سے سیالکوٹ ایئرپورٹ جارہی تھی، حادثے کا شکار ہونے والی بس میں عمرہ عازمین سوار تھے۔
