The news is by your side.

Advertisement

کراچی، سوک سینٹر کی تیسری منزل پر فائرنگ، 2 افراد جاں‌ بحق

کراچی: شہر قائد میں واقع سوک سینٹر کی تیسری منزل میں‌ فائرنگ سے اسسٹننٹ ڈائریکٹر لینڈ‌گلستان جوہر وسیم عثمانی اور وسیم رضا  جاں‌ بحق ہوگئے۔

نمائندہ اے آر وائی نیوز کے مطابق کراچی میں‌ سوک سینٹر کی تیسری منزل پر فائرنگ کے نتیجے میں‌ اسسٹنٹ ڈائریکٹر لینڈ‌ وسیم عثمانی جاں‌ بحق اور ایڈیشنل ڈائریکٹر وسیم رضا جاں بحق ہوگئے۔

پولیس نے فائرنگ سے تینوں زخمیوں کو اسپتال منتقل کیا جہاں زخموں کی تاب نہ لاتے ہوئے وسیم عثمانی اور وسیم رضا دم توڑ گئے جبکہ سپرنٹنڈنٹ حفیظ کی حالت تشویش ناک بتائی گئی ہے۔

پولیس کا کہنا ہے کہ فائرنگ کا واقعہ کے ڈی اے لینڈ‌ ڈیپارٹمنٹ میں‌ پیش آیا، فائرنگ کے ڈی اے دفتر کے اندر کی گئی، اسلحہ برآمد کرکے تحقیقات شروع کردی گئی ہیں۔

عینی شاہدین کا کہنا ہے کہ کسی بھی شخص کو دفتر سے فرار ہوتے ہوئے نہیں دیکھا گیا، پولیس کا بھی کہنا ہے کہ یہ آپسی جھگڑا ہوسکتا ہے جس کے دوران فائرنگ کردی گئی، واقعے کی تحقیقات جاری ہیں۔

نمائندہ اے آر وائی نیوز کے مطابق فرانزک ٹیمیں جائے وقوعہ پر پہنچ گئی ہیں اور شواہد اکٹھے کیے جارہے ہیں،۔

ایس ایس پی ایسٹ کا کہنا ہے کہ اسلحہ فرانزک کے لیے بھیجا جائے گا، دفتر کے باہر کھڑے ملازموں سے بھی پوچھ گچھ کی جائے گی، پولیس کی ٹیم زخمیوں کا بیان لینے پہنچ گئی ہے جس کے بعد واقعے کی تفصیلات منظر عام پر آسکیں گی۔

پولیس کا کہنا ہے کہ واقعے سے متعلق عمران شاہ نامی شخص کا بیان قلمبند کیا جارہا ہے، عمران شاہ واقعے کا عینی شاہد ہے۔

ڈی جی کے ڈی اے آصف اکرام کا کہنا ہے کہ زخمی تیسرے شخص کی حالت تشویش ناک ہے، واقعہ انتہائی افسوس ناک ہے۔

Comments

یہ بھی پڑھیں