اسلام آباد : ہیلتھ کیئر ریگولیٹری اتھارٹی نے جعلی کورونا سرٹیفکیٹ بنانے میں ملوث دو لیبز کو بند کر دیا گیا جبکہ ایکسپائرٹیسٹنگ کٹس رکھنے پر نجی اسپتال اور غیر تربیت یافتہ عملہ رکھنے پر 2کلینکس بھی بند کردیئے گئے۔
تفصیلات کے مطابق وفاقی دارلحکومت اسلام آباد میں جعلی کورونا سرٹیفکیٹ بنانے کا اسکینڈل سامنے آیا ، جس کے بعد اسلام آباد ہیلتھ کیئر ریگولیٹری اتھارٹی نے دو لیبزکوبند کر دیا ہے۔
ترجمان آئی ایچ آر اے کا کہنا ہے کہ لیب جعلی کورونا سرٹیفکیٹ تیاری میں ملوث تھیں، شریف وخان لیب کی سروسزتاحکم ثانی معطل رہیں گی جبکہ ایکسپائرریجنٹس، وی ٹی ایم، ٹیوب رکھنے پر 2نجی لیب بھی بند کردی گئی ہے۔
ترجمان اسلام آباد ہیلتھ اتھارٹی نے بتایا کہ ایکسپائرٹیسٹنگ کٹس رکھنے پر نجی اسپتال تاحکم ثانی بند رہیں گی جبکہ غیر تربیت یافتہ عملہ رکھنے پر 2کلینکس بند کردی ہے۔
اسلام آباد ہیلتھ ریگولیٹری اتھارٹی نے 33 اداروں کورجسٹریشن کرانے کی ہدایت کرتے ہوئے شہر کے 82 اداروں کی جانچ پڑتال کی، اس دوران بحالی مراکز، اسپتال، ڈینٹل کلینکس، ویکسینیشن مراکزلیب ، کلیکشن پوائنٹس کامعائنہ کیاگیا، 20 اداروں کی جانچ پڑتال کےلیےشہریوں نے درخواستیں دی تھیں۔
