بہاولنگر : روجھاں والی موڑپرملزمان کاتعاقب کرنیوالی ایلیٹ فورس کی تیز رفتار گاڑی حادثے کا شکار ہوگئی ، جس کے نتیجے میں2 جوان جاں بحق اور3 زخمی ہوگئے۔
تفصیلات کے مطابق بہاولنگر میں روجھاں والی موڑپرملزمان کا تعاقب کرنیوالی ایلیٹ فورس کی تیزرفتارگاڑی دھند کے باعث سیم نالےمیں جا گری۔
جس کے باعث ایلیٹ فورس کےدوجوان جاں بحق اورتین زخمی ہوگئے، جاں بحق ہونے والوں میں حوالدار محمد کاشف اور ڈرائیور کانسٹیبل رضوان شوکت شامل ہیں۔
زخمی اہلکار کانسٹیبل عبداللہ طارق،محمود، کانسٹیبل ماجد کو ڈسٹرکٹ اسپتال منتقل کردیا گیا ہے۔
آئی جی پنجاب عثمان انور نے فرض کی راہ میں جام شہادت نوش کرنے والوں کوخراج عقیدت پیش کرتے ہوئے کہا کہ ہیڈ کانسٹیبل محمد کاشف اور ڈرائیور کانسٹیبل رضوان شوکت نے فرض کی راہ میں جان دی۔
عثمان انور نے ایلیٹ فورس کےزخمی جوانوں کوعلاج کی بہترین سہولت فراہمی کا حکم دیتے ہوئے ڈی پی اوبہاولنگرکو شہید ہونے والوں کےاہلخانہ سے رابطے کی ہدایت کردی۔
آئی جی پنجاب کا کہنا تھا کہ فرض کی راہ میں جان قربان کرنےوالےہمارےماتھےکاجھومرہیں، شہیدہونےوالےبہادرسپوتوں کے اہل خانہ کوتنہانہیں چھوڑیں گے۔
