کراچی : شہرقائد کے علاقے احسن آباد میں پولیس نے مبینہ پولیس مقابلے میں 2 ملزمان کو گرفتار کرکے ان کے قبضے سے اسلحہ برآمد کرلیا۔
تفصیلات کے مطابق کراچی کے علاقے احسن آباد انڈسٹریل ایریا میں پولیس نے مبینہ پولیس مقابلے کے دواران 2 ملزمان کو گرفتار کرکے ان کے قبضے سے 2 پستول، 3موبائل ، موٹرسائیکل، 2 جعلی پولیس کارڈ برآمد کرلیے۔
ایس ایس پی ملیرعدیل چانڈیو کا کہنا ہے کہ گرفتارملزمان میں اظہراور خالد شامل ہیں جن سے مزید تفتیش کی جا رہی ہے۔
کراچی : لیاری میں پولیس مقابلہ‘3 ملزمان ہلاک
خیال رہے کہ گزشتہ روز کراچی کے علاقے لیاری کلاکوٹ میں رات گئے بابا لاڈلا گروپ سے تعلق رکھنے والے 3 ملزمان پولیس مقابلے میں مارے گئے تھے۔
کراچی میں سی ٹی ڈی کی کارروائی‘ 4 دہشت گرد گرفتار
یاد رہے کہ گزشتہ ہفتے کراچی میں سائٹ ایریا اور یونیورسٹی روڈ پر سی ٹی ڈی نے کارروائیوں کے دوران 4 دہشت گردوں کو گرفتار کرکے ان کے قبضے سے چندہ جمع کرنے والی رسیدیں برآمد کی تھیں۔
سی ٹی ڈی حکام کے مطابق ملزمان فنڈز جمع کرکے افغانستان بھجواتے تھے، دہشت گردوں نے افغانستان سے ٹریننگ بھی حاصل کررکھی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
