ڈی آئی خان: سیکیورٹی فورسز کے قافلے پر خودکش حملے کے نتیجے میں 2 جوان شہید ہوگئے، جن میں نائب صوبیداریاسرشکیل اورسپاہی طاہرنوید شامل ہیں۔
تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ ڈیرہ اسماعیل خان میں سیکیورٹی فورسز کے قافلے پر خودکش حملے ہوا ، خودکش بمبار نے سیکیورٹی فورسز کے قافلے سے اپنی گاڑی ٹکرا دی اور اور خود کو دھماکے سے اڑا لیا۔
آئی ایس پی آر کاکہنا تھا کہ دھماکے کے نیتجے میں وطن کے دو بہادر سپوت شہید ہوگئے ، 38 سالہ نائب صوبیدار یاسر شکیل اور 34 سالہ سپاہی طاہر نوید دونوں کا تعلو کوہاٹ سے ہے۔
ترجمان کے مطابق سیکیورٹی فورسز دہشت گردی کی لعنت کے خاتمے کے لئے پرعزم ہیں اور بہادر سپاہیوں کی یہ قربانیاں ہمارے عزم کو مزید مضبوط کرتی ہیں۔
پاک فوج کے ترجمان نے اس عزم کا اعادہ کیا کہ اس بزدلانہ حملے کے ذمہ داروں کو کیفر کردار تک پہنچایا جائے۔
