پشاور: امریکی ورک ویزا حاصل کرنے کے خواہشمند افراد ہوشیار ہوجائیں! ویزہ فراڈ میں ملوث 2 ملزمان کو گرفتار کرلیا گیا۔

تفصیلات کے مطابق وفاقی تحقیقاتی ادارے (ایف آئی اے) نے اسلام آباداور پشاور میں کارروائیاں کرتے ہوئے ویزہ فراڈ اور انسانی اسمگلنگ میں ملوث 2 اشتہاریوں سمیت 3 ملزمان کو گرفتار کرلیا۔

ایف آئی اے نے بتایا کہ اسلام آباد سے گرفتار 2 ملزمان 2024 کےمقدمےمیں مطلوب تھے اور خلیل اللہ اور مرجان علی نے امریکی ورک ویزے کا جھانسہ دیکرلاکھوں روپے لیے، ملزمان شہری سے پیسے لینے کے بعد روپوش ہوگئےتھے۔

دوسری جانب پشاور سے گرفتار ملزم بغیر لائسنس ٹریول ایجنسی چلارہا تھا، ملزم حارث خان کے دفتر سے 4 پاکستانی پاسپورٹس برآمد ہوئے۔

یاد رہے اس سے قبل بھی ورک ویزے کے نام پر فراڈ میں ملوث ایجنٹ فہیم خان کو گرفتار کیا تھا، ملزم نے شہریوں سے بیرون ملک ملازمت کے نام پرلاکھوں روپے لیے تھے۔

ایف آئی اے کا کہنا تھا کہ ملزم سے 32 پاسپورٹس ، موبائل فون اور دیگر شواہد برآمد ہوئے ہیں ، ملزم بغیر لائسنس شہریوں سے پاسپورٹ وصول کر رہا تھا۔