پشاور : سیکیورٹی فورسز نے حسن خیل میں انٹیلی جنس بیسڈآپریشن کے دوران 2 دہشت گردوں کو ہلاک اور 2 کو زخمی کردیا۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز نے پشاور کے علاقےحسن خیل میں انٹیلی جنس بیسڈآپریشن کیا۔
آپریشن کے دوران فائرنگ کےتبادلے میں 2دہشت گردہلاک اور 2 زخمی ہوگئے، ہلاک دہشت گردوں میں ایاز عرف محمد اور احمدی عرف کوچی شامل ہیں۔
- Advertisement -
آئی ایس پی آر کا کہنا تھا کہ ہلاک دہشت گردوں سے دستی بم ،گولیاں اورہتھیار بھی برآمد ہوئے ، یہ دہشت گرد سیکیورٹی فورسز اور بےگناہ شہریوں پر حملے میں ملوث تھے۔
ترجمان نے کہا علاقہ مکینوں نے دہشت گردی کے خلاف آپریشن کو سراہا، علاقے میں دیگردہشتگردوں کی تلاش کیلئے سینٹائزڈ آپریشن جاری ہے اور سیکیورٹی فورسز دہشت گردی کے خاتمے کے لئے پر عزم ہیں۔
