بیجنگ : ہانگ کانگ کے ساحلی کناروں سے سمندری طوفان ٹکرانے کے باعث شہر کا مواصلاتی نظام معطل ہوکر رہ گیا جبکہ اسٹاک ایکسچینج سمیت شہر کو عملی طور پر بند کردیا گیا.
تفصیلات کے مطابق منگل کی صبح ہانگ کانگ سے سمندی طوفان جسے ’ندا ٹائیفون‘ کا نام دیا گیا ہے ٹکرایا جس کے نتیجے میں 145 کلومیٹر فی گھنٹہ کی شدت سے چلنے والی ہواؤں نے شہر میں مواصلاتی نظام درہم برہم کردیا.
سمندی طوفان کے باعث ہانگ کانگ کے تمام تعلیمی اداروں سمیت سٹاک ایکسچینج کو بند کردیا گیاجبکہ اسپتالوں میں ایمرجنسی نافذ کردی گئی ہے.
طوفان کے باعث ہانگ کانگ ایئر پورٹ پر 180 پروازیں معطل کردی گئیں جبکہ بس،ٹرام اور کشتیوں کی سروس بھی بند کردی گئی.
ہانگ کانگ آبزرویٹری کے مطابق ساحل سے ٹکرانے سے پہلے ہی ندا ٹائیفون کی شدت کم ہوگئی اور وہ ایک چھوٹے طوفان میں تبدیل ہوگیا تھا جس کی وجہ سے نقصان نہیں ہوا.
واضح رہے کہ ہانگ کانگ کے ساحل سے ٹکرانے کے بعد ندا ٹائیفون چین کےشہرگوانگ ڈونگ کی طرف بڑھ رہا ہے.
