شارجہ میں صحت کے شعبے سے وابستہ اہلکار آج (11 ستمبر) سے 2ہزار بزرگ شہریوں اور کمزور افراد کو ان کے گھروں میں موسمی انفلوئنزا کی ویکسین مفت فراہم کرنا شروع کردیں گے۔
بین الاقوامی خبر رساں ادارے کی رپورٹ کے مطابق خلود العلی، ڈائریکٹر، سینئرز سروسز سینٹر، ایس ایس ایس ڈی نے کہا کہ گزشتہ سال 1,155 افراد نے حفاظتی ٹیکے لگوائے تھے، جبکہ شارجہ سوشل سروسز ڈیپارٹمنٹ (SSSD) نے کے مطابق ویکسینیشن مہم موسم سرما کے اختتام تک جاری رہے گی۔
محکمہ صحت کے بیان کے مطابق محکمہ کی جانب سے یہ مہم ہر سال بوڑھوں اور معذور لوگوں کی صحت کو فروغ دینے کے لیے چلائی جاتی ہے، نیز ہوم کیئر ٹیم کے ذریعے ان کو ان کی رہائش گاہ پر مفت موسمی انفلوئنزا ویکسین فراہم کرنے کے SSSD کے ہدف کی حمایت بھی کرتا ہے۔
بیان میں کہا گیا ہے کہ محکمہ کا کا ڈیٹا بیس،بشمول الذھد سٹی، البطحی، کلبہ، خرفکن، دبہ الحسن، الحمریہ، المدام، اور الملیحہ میں ویکسین وصول کرنے والوں کی معلومات شامل ہیں، جیسے کہ انہیں کیا بیماریاں ہیں اور ان کی موجودہ صحت کی حالت کیا ہے۔
دوسری جانب متحدہ عرب امارات نے مسلسل تیسرے ماہ فیول کی قیمتوں میں اضافے کا اعلان کردیا ہے۔
رپورٹس کے مطابق یو اے ای میں نئی قیمتوں کا اطلاق یکم ستمبر سے کردیا گیا ہے، نئی قیمتوں میں 5 فیصد ویلیو ایڈڈ ٹیکس شامل ہے۔
امارات میں سپر پیٹرول 98 کی قیمت 3.14 درہم سے بڑھا کر 3.42 درہم لیٹر کردی گئی ہے، اسی طرح پیٹرول 95 کی قیمت 3.02 درہم سے بڑھا کر3.31 درہم لیٹر کردی گئی۔
