ابوظبی: متحدہ عرب امارات کی تین اماراتوں نے آنے والے قومی دن کے موقع پر ٹریفک جرمانے میں 50 فیصد رعایت کا اعلان کیا ہے۔
یہ اعلان ام القوین میں حکام کی جانب سے کیاگیا، جس میں کہا گیا کہ گاڑی چلانے والے افراد ٹریفک جرمانے پر 50 فیصد رعایتی اسکیم سے بھی فائدہ اٹھاسکتے ہیں، یہ اقدام امارات کی یو اے ای گولڈن جوبلی کی تقریبات کا حصہ ہیں۔
یہ اعلان اس وقت سامنے آیا ہے جب عجمان اور شارجہ کے حکام کی جانب سے بھی رواں ہفتے کے آغاز پر اسی طرح کی اسکیموں کا اعلان کیا تھا۔
گاڑی چلانے والے یو اے کیو میں یکم دسمبر 2021 سے 6 جنوری 2022تک رعایت حاصل کرسکتے ہیں، یہ رعایت 31 اکتوبر 2021تک عائد جرمانوں پر لاگوہوتی ہے۔
یہ بھی پڑھیں: یو اے ای: چند گھنٹوں کے لئے رینٹ پر گاڑی خریدنے کے حوالے سے ضوابط کی مکمل تفصیلات جاری
عجمان کے رہائشی 21 نومبر سے 31 دسمبر تک ٹریفک جرمانے پر 50 فیصد رعایت حاصل کرسکتے ہیں،اس 40 دن کی آفر کے تحت موٹر سائیکل سوار اپنے بلیک پوائنٹس کینسل اور ضبط شدہ گاڑیاں بھی چھڑواسکتے ہیں۔
اسی طرح شارجہ میں گاڑی چلانے والوں کو ٹریفک جرمانوں پر 50 فیصد رعایت ملے گی، وہ اپنی گاڑیوں کو ضبط کرنے کے احکامات اور ٹریفک پوائنٹسکو بھی منسوخ کرسکتے ہیں۔
واضح رہے کہ متحدہ عرب امارات اپنی یونین کے 50 سال 2 دسمبر کو منائے گا، اس سنگ میل کے موقع پر ملک بھر میں تقریبات اور پروگرامز کا اعلان کیا گیا ہے۔
