اماراتی وزارت خزانہ نے پیاز کی سپلائی میں نمایاں اضافے کی تصدیق کرتے ہوئے کہا کہ درآمد بڑھنے کے باعث پیاز کی قیمتوں میں بتدریج کمی واقع ہورہی ہے۔
غیر ملکی ذرائع ابلاغ کے مطابق ریٹیل سیکٹر سے منسلک افراد کا کہنا ہے’ مارکیٹ میں پیاز کا وافر اسٹاک موجود ہے جس کے باعث قیمتوں میں کمی آئی ہے، جبکہ رواں ماہ کے آخر میں انڈین پیاز کی درآمد پر پابندی کے خاتمے کے بعد پیاز مزید سستی ہونے کا امکان ہے۔‘
یو اے ای کے سیکریٹری وزارت خزانہ برائے تجارتی کنٹرول عبداللہ سلطان الفن الشامسی کے مطابق درآمد کنندگان اور ریٹیل کمپنیز نے انڈیا کی جانب سے برآمد پر پابندی کے پیش نظر پیاز کے عالمی بحران کا مثبت انداز میں سامنا کیا ہے۔
انہوں نے کہا کہ ’دیگر ذرائع سے پیاز کی درآمد کے باعث منڈیوں میں پیاز کی کمی کو کنٹرول کیا گیا جبکہ مسابقت کے باعث قیمتوں میں بڑی کمی سامنے آئی ہے۔
علاوہ ازیں ریٹیلنگ چین میں سیلز کے ذمہ دار دلیپ بیگوی کا کہنا تھا کہ پیاز کی بعض اقسام کی قیمتوں میں کمی ایران، ترکیہ، پاکستان اور ترکمانستان سے درآمد کے معاہدوں اور مارکیٹ میں دستیابی کے باعث ہوئی ہے۔
نئی حکومت کے پہلے ہفتے ہی مہنگائی کی شرح میں بڑا اضافہ ریکارڈ
فی کلو گرام قیمت تقریبا 8 درہم سے کم ہوکر 6.5 اور7 درہم تک آگئی ہے، جبکہ آنے والے دنوں میں قیمتوں میں کمی کا رجحان برقرار رہے گا۔
