The news is by your side.

Advertisement

ابو ظہبی: بالکونیوں پر کپڑے سکھانے پر پابندی، بھاری جرمانہ عائد

ابو ظہبی: متحدہ عرب امارات کے دارالحکومت ابو ظہبی میں حکام نے رہائشی بالکونیوں پر کپڑے سکھانے سے ممانعت کی ہدایت کردی، خلاف ورزی کرنے والوں کو 1 ہزار درہم جرمانہ عائد ہوسکتا ہے۔

اماراتی میڈیا رپورٹ کے مطابق ابو ظہبی کی شہری بلدیہ نے رہائشیوں کو خبردار کیا ہے کہ وہ اپارٹمنٹس کی بالکونی میں کپڑے سکھانے سے باز رہیں، کھڑکیوں اور دیواروں سے کپڑے لٹکائے رکھنے سے شہر کی خوبصورتی میں بگاڑ آتا ہے۔

یہ وارننگ ابو ظہبی کی شہری بلدیہ کی طرف سے ایک آگاہی مہم کے دوران جاری کی گئی ہے تاکہ شہریوں میں شہر کی خوبصورتی برقرار رکھنے کی اہمیت کو اجاگر کیا جاسکے۔

حکام نے اسے خلاف آداب بھی قرار دیا ہے اور اس حوالے سے گائیڈ لائن پر عمل درآمد کی ہدایت کی ہے۔

شہری بلدیہ نے خبردار کیا ہے کہ بالکونیوں کے غلط استعمال پر 1 ہزار درہم جرمانہ عائد کیا جائے گا، حکام کے مطابق اس پابندی کا ایک مقصد لانڈری کو خشک کرنے کے غیر صحت مندانہ طریقے کا سدباب کرنا بھی ہے۔

حکام کے مطابق جدید ٹیکنالوجی کے دور میں کپڑوں کو خشک کرنے کے نئے طریقے موجود ہیں، الیکٹرانک ڈرائر اور کپڑے خشک کرنے والے ریک اس کا بہترین متبادل ہوسکتے ہیں۔

Comments

یہ بھی پڑھیں