تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

متحدہ عرب امارات میں مزدوروں کی سہولت کیلئے بڑا اقدام

ابوظبی : اماراتی حکام نے عوام کی سہولت کےلیے 15 جون سے دوپہر میں بیرونی مقامات پر کام کرنے پر پابندی عائد کردی۔

غیر ملکی خبر رساں ادارے کی رپورٹ کے مطابق خلیجی ریاست متحدہ عرب امارات میں مزدوروں کی صحت کو مدنظر رکھتے ہوئے وزارت انسانی وسائل نے دوپہر ساڑھے 12 بجے سے 3 بجے تک ہر قسم کا کام کرنے پر قدغن لگادی ہے۔

واضح رہے کہ متحدہ عرب امارات میں موسم گرما عموماً جون کے آخر سے ستمبر کے اختتام تک جاری رہتا ہے اور اس دوران درجہ حرارت 43 ڈگری سینٹی گریڈ سے بھی زیادہ ہوجاتا ہے۔

وزارت انسانی وسائل کا کہنا ہے کہ مالکان کی جانب سے اپنے ورکروں کے آرام کےلیے سایہ دار جگہ کا انتظام کرنا ضروری ہے اور کام کے اوقات 8 گھنٹے سے بڑھانے کی اجازت نہیں ہوگی چاہے شفٹ شام کی ہو یا صبح کی اور اگر کوئی ملازم 8 گھنٹے سے زائد ملازمت کرتا ہے تو اسے اوور ٹائم دیا جائے گا۔

واضح رہے کہ جن کمپنیوں کو اپنے کام تکنیکی وجوہ کی بناء پر جاری رکھنے ضروری ہیں وہ کمپنیاں اس پابندی سے مستثنیٰ ہیں تاہم وزارت کا کہنا ہے کہ ایسی کمپنیاں اپنے ملازمین کو سہولیات فراہم کریں اور اگر وہ سہولیات فراہم کرنے میں ناکام رہیں تو انہیں 5 ہزار سے 50 ہزار درہم تک جرمانہ عائد کیا جائے گا۔

Comments

- Advertisement -