ٹوکیو : جاپان کے شہریوں جو جلد ہی ایک خودمختار روبوٹ کے ذریعے اپنا آرڈر کیا ہوا کھانا ٹوکیو کی سڑکوں پر ہی مل جائے گا۔ جدید ٹیکنالوجی کی مدد سے نئی سہولت متعارف کرادی گئی۔
اس حوالے سے غیر ملکی خبر رساں ادارے کی رپورٹ کے مطابق ’اوبر ایٹس‘ نے جاپان میں نئی ربورٹ ڈیلیوری سروس متعارف کرادی ہے، اوبر اپنے شراکت داروں کے ساتھ مل کرخودمختار فٹ پاتھ روبوٹ سروس کا باقاعدہ آغاز کرے گا۔
رپورٹ کے مطابق جاپان میں اب اوبر ایٹس کے ذریعے روبورٹ کھانا ڈیلیور کریں گے جس کے بعد جاپان اوبر ایٹس پلیٹ فارم پر روبورٹ ڈیلیوری دستیاب کرنے والی پہلی بین الاقوامی مارکیٹ بن جائے گا۔
اوبر ایٹس نے جاپان میں آن لائن کھانا ڈیلیور کرنے کے لئے مٹسوبشی الیکٹرک اور روبوٹکس کمپنی کارٹکن کے ساتھ شراکت کا اعلان کیا ہے۔
مذکورہ روبوٹ اگلے ماہ (یعنی مارچ) تک ٹوکیو کےکچھ حصوں میں کھانے کے آرڈر کی فراہمی شروع کردیں گے۔
رپورٹ میں مزید کہا گیا ہے کہ کارٹکن کا ماڈل سی روبوٹ، جسے گوگل کے سابق ملازمین نے 2019 میں اوکلینڈ کیلیفورنیا میں قائم کیا تھا،جاپان میں ڈیلیوری سروس کے لیے استعمال کیا جائے گا۔