The news is by your side.

Advertisement

متحدہ عرب امارات سے برطانیہ جانے والے مسافروں کے لیے بری خبر

مانچسٹر: برطانیہ نے متحدہ عرب امارات پر سفری پابندیاں عائد کردیں جس کے تحت امارات سے آنے والی تمام براہ راست پروازوں کو معطل کردیا گیا ہے۔

اے آر وائی نیوز کی رپورٹ کے مطابق برطانیہ نے متحدہ عرب امارات پر سفری پابندیاں عائد کرتے ہوئے جمعے سے یو اے ای سے آنے والی تمام براہ راست پروازوں پر مکمل پابندی عائد کردی۔

برطانیہ کی جانب سے عائد کی جانے والی پابندی کے بعد اتحاد ایئرویز اور ایمریٹس ایئرلائن  نے یو اے ای سے برطانیہ کے لیے اپنی تمام پراوزیں معطل کر دیں۔ نئی پابندی کے تحت اماراتی شہریوں کے برطانیہ داخلے پر  بھی پابندی ہے جبکہ برطانیہ سے امارات جانے والی پروازیں بدستور بحال ہیں۔

حکومت نے امارات میں موجود برطانوی شہریوں کو ہدایت کی کہ وہ متبادل روٹ سے وطن واپس آسکتے ہیں، وطن واپسی کی اجازت صرف برطانوی شہریوں کو ہی ہوگی۔

نمائندہ اے آر وائی نیوز کے مطابق پاکستان سے ان پروازوں کے زریعے برطانیہ آنے والے مسافروں کو پریشانی کا سامنا کرنا پڑے گا جبکہ یو اے ای سے واپس آنے والے برطانوی شہریوں کو دس روز تک گھر میں اہل خانہ سمیت قرنطینہ میں رہنا ہوگا۔

واضح رہے کہ برطانیہ نے کرونا کی روک تھام کے حوالے سے بہت زیادہ متاثر ہونے والے ممالک کی فہرست ’ریڈ لسٹ‘ تیار کی ہے جن میں شامل ممالک کی تعداد اب 33 تک پہنچ گئی ہے۔

Comments

یہ بھی پڑھیں