تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم کو یوکرینی صدر کا فون! ’پاکستان سفارتی حل میں کردار کیلیے تیار ہے‘

وزیراعظم عمران خان کو یوکرین کے صدر ولادیمیر زیلنسکی نے فون کیا جس میں یوکرین کی تازہ صورتحال پر تبادلہ خیال کیا گیا۔

وزیراعظم عمران خان کو یوکرین کے صدر ولادیمیر زیلنسکی نے فون کیا ہے جس میں یوکرین کی تازہ ترین صورتحال پر تبادلہ خیال کیا گیا ہے۔

ٹیلفونک رابطے کے حوالے سے جاری اعلامیے کے مطابق وزیراعظم عمران خان نے فوجی تنازع جاری رہنے پر افسوس کا اظہار کرتے ہوئے کہا کہ ترقی پذیرممالک پر تنازعات کے باعث منفی اثرات اجاگر کر رہےہیں، معیشت پراثرات تیل، اشیائے خور ونوش کی قیمتوں سے ظاہر ہو رہے ہیں۔

اس موقع پر وزیراعظم نے مذاکرات اور سفارتکاری کے ذریعے مسائل کے حل ڈھونڈنے کا موقف دہرایا اور کہا کہ پاکستان جیسے غیر جانبدار ممالک سفارتی حل میں کردار کیلئے تیار ہیں۔

عمران خان نے یوکرینی حکام کی پاکستانی طلبہ اور شہریوں کے انخلا میں مدد پر صدر زیلنسکی کا شکریہ ادا کیا اور کہا کہ پاکستان نے اس کڑے وقت میں یوکرین کے عوام کی مشکلات کو یاد رکھا اور عوام کیلئے امدادی سامان کے 2 طیارے بھجوائے۔

وزیراعظم عمران خان نے روس یوکرین تنازع پر او آئی سی کی تشویش سے بھی یوکرینی صدر کو آگاہ کیا اور بتایا کہ اوآئی سی اجلاس میں بھی عالمی سلامتی اور انسانی صورتحال پر تشویش کا اظہار کیا گیا اور اجلاس میں شریک وزرائے خارجہ نے فوری طور پر دشمنی کے خاتمے پر زور دیتے ہوئے مذاکراتی عمل کی حمایت اورسہولت کاری پرآمادگی ظاہر کی۔

Comments

- Advertisement -