یوکرین نے 15.6 بلین ڈالر کی مالیاتی پیکچ کے لیے بین الاقوامی مالیاتی فنڈ (آئی ایم ایف) سے رجوع کرلیا ہے۔
خبر ایجنسی کے مطابق آئی ایم ایف نے حال ہی میں "غیر معمولی حد تک غیر یقینی صورتحال” کا سامنا کرنے والے ممالک کو قرضوں کی اجازت دینے کے لیے قاعدہ میں تبدیلی کی۔
آئی ایم ایف کے جاری کردہ بیان کے مطابق آئی ایم ایف مشن کے وفد اور یوکرینی حکام کے درمیان، مالیاتی استحکام اور اقتصادی بحالی کے ساتھ تعاون کے لئے، 48 مہینوں پر مشتمل فنڈ کی فراہمی کے لئے تکنیکی سطح پر اتفاق رائے ہوا ہے۔
روس یوکرین سے اہم معاہدے کی توسیع پر رضامند
آئی ایم ایف نے جنگ زدہ ملک یوکرین کے لیے پہلا قرض آنے والے ہفتوں میں منظور ہونے کی امید ہے، یہ روس کے حملے کے بعد یوکرین کو ملنے والے سب سے بڑے مالیاتی پیکجوں میں سے ایک ہے۔
آئی ایم ایف کے اہلکار گیون گرے نے ایک بیان میں کہا کہروس کے یوکرین پر حملے کے بعد معیشت پر تباہ کن اثرات مرتب ہو رہے ہیں، 2022 میں سرگرمیوں میں 30 فیصد کمی آئی ہے جبکہ یوکرین کے ذخیرے کا بڑا حصہ تباہ ہو گیا، جس سے غربت کی سطح بلند ہو گئی۔
یہ پروگرام غیر معمولی طور پر انتہائی غیر یقینی صورتحال کے تحت قرض دینے سے متعلق نئی فنڈ کی پالیسی کے مطابق متعارف کرایا گیا ہے، جس کے تحت یوکرین کو 15.6 بلین ڈالر کا پیکچ ملےگا۔
