روس اور یوکرین کے درمیان تنازع جاری ہے دونوں کے فوجی میدان جنگ میں ہیں جہاں سے آئے روز ہولناک خبریں سامنے آتی ہیں تاہم خلاف توقع اب میدان جنگ میں یوکرینی فوجی کی رقص کی ویڈیو وائرل ہوئی ہے۔
یوکرینی محکمہ دفاع کے ٹوئٹر اکاؤنٹ سے ایک خاتون فوجی اہلکار کی ویڈیو شیئر کی گئی ہے جو یوکرین میں مقبول ’پکاچو رقص‘ کر رہی ہے۔
یوکرینی محکمہ دفاع نے ٹوئٹ کو اس کپیشن کے ساتھ شیئر کیا ہے کہ ’’صبح کا پکاچو رقص، سردیاں کبھی بھی اچھے موڈ میں رکاوٹ نہیں بنیں۔‘‘ جب کہ اس ویڈیو میں جنگ کا ذکر تک نہیں کیا گیا ہے۔
ویڈیو میں دیکھا جا سکتا ہے کہ یوکرینی فوجی اپنی مکمل وردی، لوہے کی ٹوپی، بلٹ پروف جیکٹ، بوٹس اور ناجانے کس کس سامانِ حرب سے لیس ہے تاہم وہ میدان جنگ میں فوجی پوزیشن لینے کے بجائے رقص کرنے میں مصروف ہے۔
ویڈیو میں بیک گراؤنڈ میں گانے کے ساتھ ساتھ فائرنگ کی آواز بھی سنائی دے رہی ہے اور اطراف میں ہر طرف برف ہی برف نظر آ رہی ہے۔
Morning Pikachu Dance. Winter has never been an obstacle to a good mood.
🎥 by Operative #UAarmy pic.twitter.com/B5efM39lcT— Defense of Ukraine (@DefenceU) December 5, 2022
سارا منظر ویڈیو میں دیکھتے ہوئے یہ تاثر بھی ابھرتا ہے کہ شاید خون جما دینے والے موسم اور حسین نظارے میں یوکرینی فوجی نے اپنے جسم کو وارم اپ رکھنے کے لیے رقص کیا ہے اور ان لمحات کو اس کے ساتھی نے کیمرے کی آنکھ میں محفوظ کیا ہے۔
تاہم وجہ کچھ بھی ہو لیکن جنگ کے درمیان سرد ترین موسم میں یوکرینی فوجی اہلکار پرجوش انداز میں رقص بہت خوب کیا اور سب کی توجہ اپنی جانب مبذول کرائی۔
اس دلچسپ ویڈیو کو اب تک لگ بھگ 90 لاکھ بار دیکھا جاچکا ہے اور صارفین کے دلچسپ تبصروں کا سلسلہ جاری ہے۔
