لاہور : مشیرِ داخلہ و اطلاعات پنجاب عمر سر فراز چیمہ نے کہا ہے کہ آج پنجاب میں مجموعی طور پر ضمنی انتخابات کا عمل پر امن رہا ہے۔
ضمنی انتخابات کے حوالے سے میڈیا کو جاری ایک بیان میں ان کا کہنا ہے کہ آج پنجاب بھر میں مجموعی طور پر ضمنی انتخابات میں ووٹنگ کا مرحلہ مکمل طور پر عمل پر امن رہا ہے۔
عمر سرفراز چیمہ نے کہا کہ اس موقع پر انتظامیہ، پولیس اور دیگر متعلقہ اداروں نے بھی پیشہ ورانہ ذمہ داریاں احسن طریقے سے ادا کی ہیں۔
- Advertisement -
انہوں نے بتایا کہ پنجاب حکومت کے مخالف حلقوں نے بھی حکومتی اقدامات کی تعریف کی ہے۔ عمر سرفراز چیمہ نے مزید کہا کہ حکومت پنجاب نے کسی بھی سیاسی وابستگی سے بالاتر ہو کر اپنے فرائض سر انجام دیئے ہیں۔
