کراچی : جدہ سے اسلام آباد پہنچنے والے 100 سے زائد عمرہ زائرین نے سامان نہ ملنے پر ایئرپورٹ پر احتجاج کیا۔
تفصیلات کے مطابق جدہ سے اسلام آباد پہنچنے والے مسافر ساڑھے 3 گھنٹے گزرنے کے باوجود سامان کے حصول سے محروم ہیں۔
عمرہ زائرین کی بڑی تعداد سعودی ایئرلائین کی پرواز ایس وی 722 کے پر جدہ اسلام آباد پہنچی تو دو گھنٹے گزرنے کے باجود مسافروں کا سامان کنویئر بیلٹ پر نہ ڈالا جاسکا۔
سامان نہ ملنے پر عمرہ زائرین نے احتجاج اور شور شرابہ کیا اور کہا کہ دیگر مسافروں کا سامان آرہا ہے لیکن اتنی دیر سے ہمارا سامان نہیں آرہا۔
عمرہ زائرین نے مطالبہ کیا کہ وزارت ہوا بازی ایئرپورٹ پر انتظامیہ کی غفلت کا نوٹس لے۔
مسافروں کی جانب سے سامان کے نہ ملنے پر سول ایوی ایشن اتھارٹی کو تحریری طور پر اپنی شکایات بھی جمع کرادی گئی۔
اسلام آباد ایئرپورٹ پر عملہ نہ ہونے کی وجہ سے مسافروں کا سامان کنویئربیلٹ پر لوڈ نہیں کیا جاسکا۔
