site
stats
عالمی خبریں

یمن میں بچوں کی ہلاکتیں، اقوام متحدہ نے سعودی اتحاد کو بلیک لسٹ کردیا

نیویارک : اقوام متحدہ کے سکریٹری جنرل بان کی مون نے سعودی اتحاد کو یمن میں بچوں کی ہلاکتوں کا ذمہ دار قرار دیتے ہوئے بلیک لسٹ کردیا ہے۔

اقوام متحدہ کے سکریٹری جنرل بان کی مون بان کی جانب سے جاری کی گئی رپورٹ کے مطابق گزشتہ سال 60 فی صد بچوں کے ہلاک اور زخمی ہونے کے لئے سعودی اتحاد ذمہ دار ہے، اس اتحاد نے حملے کرکے 785 بچوں کو ہلاک جبکہ 1168 کو زخمی کیا ہے، جبکہ نصف حملے اسکولوں اور اسپتالوں پر کئے گئے۔

یمن کے شیعہ حوثی باغی جنہوں نے ستمبر 2014 میں دارالحکومت صنعا پر قبضہ کرلیا تھا، انکو بھی بچوں کے حقوق کی خلاف ورزی کرنے کی فہرست میں شامل کر دیاگیا ہے۔

اقوام متحدہ کا کہنا ہے کہ شروع ہونے والے اس سعودی اتحاد میں اب تک 6400 سے زائد افراد ہلاک ہوچکے ہیں، جن میں نصف عام شہری شامل ہیں۔

واضح رہے کہ یمن کے بے گناہ شہری گذشتہ سال سے سعودی اتحاد کے وحشیانہ حملوں میں شہید ہو رہے ہیں، سعودی اتحاد نے چھبیس مارچ سے سابق اور مفرور صدر منصورہادی کو دوبارہ اقتدار میں واپس لانے کے لئے یمن پر تباہ کن حملے شروع کئے تھے جو اب بھی جاری ہے، یمن پر جاری سعودی اتحاد کے حملوں میں اب تک ہزاروں افراد اپنی جانوں سے ہاتھ دھو بیٹھے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top