نیویارک: اقوامِ متحدہ کے سیکریٹری جنرل انتونیو گوتریس کا کہنا ہے کہ ہماری تمام آزادی کا انحصار پریس کی آزادی پر ہے۔
نیویارک میں آزادی صحافت کے عالمی دن پر اقوامِ متحدہ کے سیکریٹری جنرل انتونیو گوتریس نے خطاب میں کہا کہ صحافیوں کو نشانہ بنانے اور غلط معلومات پھیلانے کی مذمت کرتے ہیں۔
اقوامِ متحدہ کے سیکریٹری جنرل نے کہا کہ دنیا کے ہر کونے میں آزادی صحافت حملے کی زد میں ہے، ہماری تمام آزادی کا انحصار پریس کی آزادی پر ہے۔
اقوامِ متحدہ کے سیکریٹری جنرل انتونیو گوتریس کا کہنا تھا کہ آزادی صحافت جمہوریت اور انصاف کی بنیاد اور انسانی حقوق کی جان ہے۔
انہوں نے مزید کہا دنیا میں آج سچ کو جھوٹ اور نفرت انگیزی سے خطرہ ہے، عالمی صحافت کی آزادی کے دن، دنیا کو صحافیوں کے ساتھ کھڑا ہونا چاہیے کیونکہ وہ سچ کے لیے کھڑے ہیں۔
