جمعرات, مئی 23, 2024
اشتہار

اسرائیل نے غزہ کو جان بچانے والی دواؤں کی فراہمی روک دی: اقوام متحدہ

اشتہار

حیرت انگیز

غزہ: اقوام متحدہ کا کہنا ہے کہ اسرائیل نے شمالی غزہ کو جان بچانے والی دواؤں کی فراہمی روک دی۔

اقوام متحدہ کا ذیلی ادارہ عالمی ادارہ صحت کی جاری کردہ بیان کے مطابق اسرائیلی حکام دوائیں اور فیول لے جانے والے قافلوں کو شمالی غزہ جانے کی اجازت نہیں دے رہے۔

غزہ میں اسرائیلی بربریت کا سلسلہ جاری، مزید 132 فلسطینی شہید

- Advertisement -

رپورٹ کے مطابق بین الاقوامی امدادی اداروں نے اسرائیل سے امداد اور دواؤں کی ترسیل کی اجازت دینے کی اپیل کی ہے جبکہ الاقصیٰ اسپتال فیول ختم ہونے سے تاریکی میں ڈوب گیا۔

یاد رہے کہ غزہ میں اسرائیلی فوج کی بربریت کا سلسلہ تاحال جاری ہے، اسپتالوں، اسکول اور گھروں پر شدید بمباری سے کل سے اب تک مزید 132 فلسطینی جام شہادت نوش کرگئے جس کے بعد شہیدوں کی تعداد 14 ہزار سے تجاوز کرگئی۔

ادھر  اسرائیلی وزیردفاع نے کہا ہے کہ جنوبی غزہ میں جاری فوجی آپریشن خاتمے کے قریب ہے ۔جنگ کے خاتمے کے بعدغزہ کی قیادت فلسطینی کریں گے ۔ غزہ میں فلسطینی رہتے ہیں اس لیے مستقبل میں فلسطینی ہی اس پر حکومت کریں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں