غزہ میں اسرائیلی فوج کی بربریت کا سلسلہ تاحال جاری ہے، اسپتالوں، اسکول اور گھروں پر شدید بمباری سے کل سے اب تک مزید 132 فلسطینی جام شہادت نوش کرگئے۔
غیر ملکی ذرائع ابلاغ کے مطابق اسرائیل کے تازہ حملوں میں مزید 134 فلسطینی شہید ہوگئے، 7 اکتوبر سے اب تک شہدا کی تعداد 24 ہزار سے تجاوز کر گئی، خان یونس میں فلسطینی مزاحمت کاروں کی قابض فوج سے جھڑپیں جاری ہیں۔
اسرائیلی فورسز کی مغربی کنارے میں کارروائیوں میں 5 فلسطینی شہید، 5 زخمی ہوگئے جبکہ دو گھروں کو مسمار کردیا گیا، نابلس کی یونی ورسٹی سے متعدد طلبا کو بھی حراست میں لے لیا گیا ہے۔
دوسری جانب اسرائیلی وزیر دفاع یوآو گیلینٹ کا اپنے ایک بیان میں کہنا تھا کہ جنوبی غزہ میں جاری فوجی آپریشن خاتمے کے قریب ہے۔
رپورٹ کے مطابق اسرائیلی وزیر دفاع نے کہا کہ جنگ کے خاتمے کے بعد غزہ کی قیادت فلسطینی کریں گے۔
عراق میں پاسداران انقلاب کے حملے، داعش کے متعدد دہشتگرد ہلاک
اسرائیلی وزیر دفاع یوآو گیلینٹ نے کہا کہ غزہ میں فلسطینی رہتے ہیں اس لیے مستقبل میں فلسطینی ہی اس پر حکومت کریں گے۔
