اقوامِ متحدہ کی ہیومن رائٹس کمیٹی کی رپورٹ میں اس بات کا انکشاف ہوا ہے کہ پاکستان سمیت مختلف ممالک سے تعلق رکھنے والے 25 پناہ گزینوں اور پناہ کی تلاش جانے والوں کو نارو کے جزیرے میں زبردستی کئی سال سے گرفتار کرکے رکھا گیا ہے۔
غیر ملکی ذرائع ابلاغ کے مطابق اقوامِ متحدہ کی انسانی حقوق کی خصوصی کمیٹی کا کہنا ہے کہ آسٹریلیا نے شہری اور سیاسی حقوق سے متعلق بین الاقوامی معاہدے کی 2 دفعات کی خلاف ورزی کی ہے، ایک صوابدیدی حراست اور دوسری حراست کو عدالت میں چیلنج کرنے کے حق کا تحفظ شامل ہے۔
عرب میڈیا کا اس حوالے سے کہنا ہے کہ جنیوا میں یو این کے ادارے نے آسٹریلیا سے اس بات کا مطالبہ کیا کہ آسٹریلیا تارکینِ وطن کو مناسب معاوضہ ادا کرے اور اس بات کو یقینی بنائے کے دوبارہ اس قسم کی خلاف ورزی نہ ہو۔
دوسری جانب یونان میں تارکینِ وطن سے متعلق پالیسیوں کے خلاف شہری سراپا احتجاج بن گئے ہیں۔
یونان بھر میں الم ناک کشتی حادثے کے بعد احتجاج شروع ہو گیا،جس میں پاکستانیوں سمیت سینکڑوں تارکین وطن کی جانیں گئیں۔
ملک کے دارالحکومت ایتھنز سمیت مختلف شہروں میں عوام سراپا احتجاج بن گئے ہیں، پناہ گزینوں کو بچانے کے ناکافی اقدامات پر عوام نے حکام کے خلاف شدید نعرے بازی کی، مظاہرین کے پتھراؤ کا جواب پولیس نے آنسو گیس کی شیلنگ سے دیا۔
کینیڈا کے امریکی ریاست بننے سے دنیا میں کیا تبدیلیاں آئیں گی؟
مظاہرین نے بینرز بھی اٹھا رکھتے تھے جن پر یونانی اور یورپی مہاجرین اور ہجرت کی پالیسی کی مذمت کی گئی تھی، بینرز پر لکھا تھا کہ ”انھوں نے بحیرہ روم کو ایک مائع قبرستان بنا دیا ہے، ہم کبھی بھی مذبح خانے کے عادی نہیں بنیں گے۔“
