واشنگٹن : امریکا کی جنوب مشرقی ریاست کی ایک یونیورسٹی میں سانق طالب علم نے فائرنگ کرکے دو افراد کو قتل کردیا، پولیس نے فائرنگ کے شبے میں ایک شخص کو گرفتار کرلیا۔
تفصیلات کے مطابق امریکا کی جنوب مشرقی ریاست نارتھ کیرولینا کی ایک یونیورسٹی میں ایک سابق طالب علم نے تدریس کا عمل ختم ہوتے ہی فائرنگ کردی جس کے نتیجے میں دو افراد موقع پر ہی ہلاک جبکہ چار افراد زخمی ہوگئے۔
غیر ملکی خبر رساں ادارے کا کہنا تھا کہ فائرنگ کے نتیجے میں زخمی ہونے والوں میں تین افراد کی حالت انہتائی تشویش ناک ہے۔
واقعے کی اطلاع ملنے پر پولیس نے کارروائی کرتے ہوئے فائرنگ کرنے کے شبے ایک شخص کو حراست میں لے لیا تھا، فائرنگ کے واقعے کے بعد یونیورسٹی میں تدریسی عمل معطل کردیا گیا۔
غیر ملکی خبر رساں ادارے کے مطابق فائرنگ کے نتیجے میں ہلاک ہونے والوں کی عمریں 17 اور 18 برس کے درمیان ہے۔
عینی شاہدین کے مطابق فائرنگ کے بعد یونیورسٹی کی لائبریری اور دیگر کمروں سے طلباءکو بھاگتے ہوئے دیکھا گیا جبکہ جائے وقوعہ سے ایک شخص کو حراست میں بھی لیا گیا۔
یونیورسٹی انتظامیہ کا کہنا تھا کہ فائرنگ کے واقعے بعد یونیورسٹی کیمپس کو لاک کردیا گیا ہے اور سیکیورٹی اہلکار عمارت میں سوئپنگ کا عمل جاری رکھے ہوئے ہیں۔ انتظامیہ کی جانب سے لوگوں کو محفوظ مقام پر منتقل ہونے کی ہدایت جاری کر دی گئیں۔
مقامی خبر رساں ادارے کا کہنا تھا کہ 22 سالہ ملزم ٹرینٹن ٹیرریل کو دو افراد کے قتل کے ساتھ ساتھ متعدد مقدمات کا سامنا کرنا پڑے گا۔
امریکی خبر رساں ادارے کا کہنا تھا کہ نارتھ کیرولینا میں فائرنگ کے دوران ہلاک ہونے والے 21 سالہ نوجوان ریلے ہوویل نے مسلح شخص کو قابو کرنے کی کوشش کی تاکہ دیگر افراد کی جان بچائی جاسکے تاہم وہ خود فائرنگ کے افسوس ناک واقعے میں ہلاک ہوگیا۔ شہریوں کی جانب سے نوجوان کو اس بہاردی کا مظاہرہ کرنے پر خراج تحسین پیش کیا جارہا ہے۔
