بھارت میں بے روزگاری سے تنگ ایک خاندان نے خودکشی کرلی اور جائے وقوعہ سے سوسائڈ نوٹ برآمد ہوا ہے۔
غیر ملکی میڈیا رپورٹس کے مطابق ریاست اترپردیش کے شہر آگرہ میں شوہر نے اپنی بیوی اور بیٹی کے ہمراہ خودکشی کی۔ تینوں نے پھانسی لگا کر اپنی زندگیوں کا خاتمہ کیا۔
صبح چھوٹے بیٹے نے جب والدین اور بہن کی لاشوں کو کمرے میں لٹکتا دیکھا تو اس کے ہوش اڑ گئے اور وہ اپنی خالہ کو بتانے چلا گیا۔
پولیس نے جائے وقوعہ سے لاشوں کو قبضے میں لے کر پوسٹ مارٹم کے لیے اسپتال بھیج دیا۔ خودکشی سے قبل لکھا گیا سوسائڈ نوٹ اب تک سامنے نہیں لایا گیا۔
پولیس کے مطابق جائے وقوعہ سے انتہائی جذباتی انداز میں لکھا گیا سوسائڈ نوٹ ملا ہے، متوفی گزشتہ کئی دنوں سے بے روزگار تھا، تینوں نے آپ میں طے کر کے انتہائی قدم اٹھایا۔
پولیس معاملے کی تحقیقات کر رہی ہے۔
