The news is by your side.

Advertisement

جناح اسپتال کراچی میں نا معلوم افراد رات گئے 2 لاشیں چھوڑ کر فرار

کراچی: شہر قائد کے جناح اسپتال میں نا معلوم افراد رات گئے 2 لاشیں چھوڑ کر فرار ہو گئے۔

تفصیلات کے مطابق گزشتہ رات نا معلوم افراد نے دو لاشیں جناح اسپتال کراچی میں منتقل کیں اور فرار ہو گئے، سینئر ایگزیکٹو ڈائریکٹر سیمی جمالی نے کہا ہے کہ دونوں لاشوں کو فنگر پرنٹس کی مدد سے شناخت کرنے کی کوشش کی جا رہی ہے۔

سیمی جمال نے نمایندہ اے آر وائی نیوز کو بتایا کہ دونوں لاشوں کو جناح اسپتال کی ایمرجنسی میں مریض بنا کر لایا گیا تھا لیکن لانے والے انھیں چھوڑ کر چلے گئے، لاشوں کا ڈی این اے ٹیسٹ بھی لیا جائے گا، بہ ظاہر دونوں لاشوں پر گولی کا کوئی نشان نہیں ہے، دونوں لڑکوں کو نامعلوم افراد الگ الگ لے کر آئے تھے۔

تاحال لاشوں کا پوسٹ مارٹم نہیں کیا گیا ہے، اسپتال کی جانب سے پولیس کو آگاہ کرنے کے بعد رینجرز اور پولیس کے افسران جناح اسپتال پہنچ گئے، اسپتال ذرایع کا کہنا ہے کہ سی سی ٹی وی کی مدد سے لاشیں لانے والوں کا پتا چلایا جا رہا ہے۔

تازہ ترین:  کراچی: منگھوپیر میں مقابلے میں ایک دہشت گرد ہلاک، دو گرفتار

ذرایع نے بتایا کہ گزشتہ رات دونوں لاشوں کو الگ الگ وقت میں اسپتال منتقل کیا گیا تھا، ایک لاش رکشے میں اور دوسری ٹیکسی میں منتقل کی گئی تھی، لاشیں لانے والے افراد میں ایک نے شلوار قمیض پہن رکھی تھی۔

ذرایع کے مطابق رکشے اور ٹیکسی کے نمبرز سے کارروائی مزید آگے بڑھائی جائے گی۔ دریں اثنا، اے آر وائی نیوز نے سی سی ٹی وی فوٹیج کی تصویر بھی حاصل کر لی ہے، تصویر میں داڑھی والے شخص کو دیکھا جا سکتا ہے، تصویر میں ٹکیسی نمبر بھی واضح ہے۔

Comments

یہ بھی پڑھیں