کراچی کے 4 اضلاع کی 131 میں سے 113 یونین کونسلوں کے نتائج آگئے ہیں اور پیپلز پارٹی 69 یونین کونسلیں جیت کر سب سے آگے ہے۔
اے آر وائی نیوز نے عوام کو باخبر رکھنے کی روایت برقرار رکھی ہے اور کراچی ڈویژن کے 4 اضلاع کی 131 یونین کونسلوں میں سے 113 یونین کونسلوں کے غیر سرکاری اور غیر حتمی نتائج سب سے پہلے اے آر وائی نیوز نے حاصل کر لیے ہیں۔
کراچی کے چار اضلاع کے موصولہ غیر سرکاری اور غیر حتمی نتائج کے مطابق پاکستان پیپلز پارٹی 69 یوسیز جیت کر سب سے آگے ہے۔ جماعت اسلامی چاروں اضلاع کی 20 یونین کونسلیں جیت پائی ہے جب کہ پاکستان تحریک انصاف کا بلا 18 یوسیز میں چلا ہے۔
کراچی کے ضلع شرقی اور ضلع جنوبی سے پیپلز پارٹی نے 15 پندرہ نشستوں پر کامیابی سمیٹی ہے۔ ضلع کیماڑی کی 18 یوسیز پر فاتح رہی جب کہ ضلع ملیر کی 21 یوسیز پر فتح کے جھنڈے گاڑھے۔
جماعت اسلامی نے ضلع شرقی کی 19 یوسیز جیت رکھی ہیں۔
