بھارت کے اتر پردیش کی سیفئی میڈیکل یونیورسٹی کے پانچ ڈاکٹر لکھنؤ ایکسپریس وے پر خوفناک ٹریفک حادثے کے نتیجے میں زندگی کی بازی ہار گئے۔
بھارتی میڈیا رپورٹس کے مطابق افسوسناک حادثہ لکھنؤ ایکسپریس وے پر قنوج کے تروہ علاقے میں پیش آیا، حادثے میں مرنے والے تمام افراد یونیورسٹی کے پوسٹ گریجویٹ (پی جی) طلباء تھے، جو شادی کی تقریب سے واپس جارہے تھے۔
گاڑی تیز رفتاری کے باعث مخالف لائن میں پہنچ گئی، سامنے سے آنے والے ٹرک سے خوفناک تصادم ہوگیا۔
رپورٹس کے مطابق افسوسناک حادثے میں پانچ ڈاکٹر موقع پر ہی دم توڑ گئے، جبکہ گاڑی میں موجود ایک اور طالب علم شدید زخمی ہو گیا، جسے فوری طور پر سیفئی میڈیکل یونیورسٹی اسپتال روانہ کیا گیا۔
پولیس کا اس حوالے سے کہنا ہے کہ حادثہ تیز رفتاری کے باعث پیش آیا، تھانہ تروہ کے علاقہ میں 196 پر بے قابو ہو کر ڈیوائیڈر سے ٹکرا کر مخالف سمت میں چلی گئی اور وہاں ایک بڑے ٹرک سے تصادم ہوگیا۔
ہاسٹل میں ناقص غذا کے باعث طالبہ کی موت
حادثے کی اطلاع ملتے ہی پولیس اور ریسکیو ٹیمیں موقع پر پہنچ گئیں، جنہوں نے لاشوں اور زخمی کو قریبی اسپتال منتقل کیا۔
