بھارت: خون سفید ہوگیا، سفاک باپ نے لڑکے سے دوستی کرنے پر اپنی کم عمر بیٹی کا گلا کاٹ کر ٹکڑے کردیے۔
بین الاقوامی خبر رساں ادارے کی رپورٹ کے مطابق افسوسناک واقعہ یوپی کے گاؤں لکشمن پور ماتھی میں پیش آیا جہاں نعیم خان نے اپنی 17 سالہ بیٹی کو بے دردی سے موت کی نیند سلادیا۔
پولیس کا اس حوالے سے کہنا ہے کہ نعیم خان نے تیز دھار آلے سے پہلے بیٹی کا گلا کاٹا اور اس کے ہاتھ اور ٹانگیں بھی کاٹ ڈالیں اور پھر لاش کے پاس ہی بیٹھ گیا۔
پولیس نے مزید بتایا کہ 17 سالہ لڑکی اپنے ہی گاؤں کے ایک نوجوان سے محبت کرتی تھی اور دو مرتبہ اس کے ساتھ بھاگ بھی چکی تھی، باپ کو شک تھا کہ وہ دوبارہ بھی گھر سے بھاگ سکتی ہے۔
اس سے قبل بھارت کے حیدرآباد کے جیڈی مٹلہ علاقہ میں افسوسناک واقعہ پیش آیا جب ایک جوڑے نے اپنے دو بچوں کو مبینہ طور پر قتل کر دیا اور بعد ازاں اپنی بھی زندگی کا خاتمہ کرلیا۔
رپورٹ کے مطابق منچریال سے تعلق رکھنے والے جوڑے وینکٹیش اورورشنی کے دو بچے 11سالہ رشی کانت اور 3سالہ ویہت تھے۔
اسمگلنگ کے شبہ میں فائرنگ سے نوجوان طالب علم جاں بحق
یہ خاندان گاجولارامارم علاقہ کے ایک اپارٹمنٹ میں رہائش اختیار کئے ہوئے تھا، گزشتہ روز فلیٹ سے چاروں کی لاشیں برآمد کی گئیں۔
