نیویارک : امریکہ میں منعقد ہونے والی پہلی عالمی اردو کانفرنس کا آج آغاز ہورہا ہے، اردو کانفرنس تین روز تک جاری رہے گی۔
تفصیلات کے مطابق نیویارک یونیورسٹی میں آج سے اردو کانفرنس شروع ہورہی ہے جو کہ 18 ستمبر سے 20 ستمبر تک جاری رہے گی۔
اردو کانفرنس کا انعقاد نیویارک یونیورسٹی کے شعبہ مڈل ایسٹ اوراسلامک اسٹڈیز اور شعبہ اردو کے اشتراک سے کیا جارہاہے۔
کانفرنس میں متعدد اردو کے متعدد اہلِ زبان اور یورپین اسکالرز اپنے خیالات کا اظہارکریں گے۔
کانفرنس میں ’’شامِ غزل کا بھی اہتمام ہے جس میں استاد سلامت علی اور عذرا ریاض اپنی آواز کا جادو جگائیں گے۔
اردو کانفرنس کے دوران مشاعرے کا بھی اہتممام کیا گیا ہے جس کی نظامت حمیرہ رحمان کریں گی جبکہ شعرا میں رئیس وارثی، سرمد صہبائی، رضیہ فصیح احمد، الطاف ترمذی، سعید یونس، ظاہرہ حسین، مقسط ندیم اور تسنیم عابدی شامل ہیں۔
اردوع کانفرنس میں اردو کے نامور ادیبوں جیسے عصمت چغتائی اور قرۃالعین حیدر کے نام اورکام پر بھی روشنی ڈالی جائے گی۔
دیارِ مغرب میں اردو کے حوالے سے منعقد ہونے والی یہ کانفرنس اردو کے ایک توانا اور زندہ زبان ہونے کا ثبوت ہے۔