جوش ملیح آبادی اور بچپن!

کہتے ہیں ایک بار بسمل سعیدی نے جوش صاحب سے کہا کہ جوش صاحب آپ کے کلام میں سوز و گداز کی ذرا کمی نہ ہوتی تو آپ اور بھی بڑے شاعر ہوتے۔

جوش ملیح آبادی نے کہا، ’’ہرگز نہیں، میرے یہاں سوز و گداز کی کمی ہرگز نہیں۔ لو یہ شعر سنو:‘‘

میرے رونے کا جس میں قصّہ ہے
عمر کا بہترین حصّہ ہے

بسمل سعیدی نے قہقہہ لگا کر کہا، ’’واللہ جوش صاحب بچپن کے مضمون پر اس سے بہتر شعر میں نے نہیں سنا تھا۔‘‘

(ممتاز نقّاد، فکشن نگار اور شاعر شمس الرّحمٰن فاروقی کے افسانے لاہور کا ایک واقعہ سے اقتباس)

Comments