ممبئی: بالی وڈ کی معروف اداکارہ اروشی روٹیلا کی مبینہ بوائے فرینڈ سولال سایدا کے ساتھ تصاویر سوشل میڈیا پر وائرل ہوگئیں۔
بھارتی میڈیا کے مطابق اروشی روٹیلا ان دنوں فرانس کے شہر پیرس میں ہیں جہاں سے انہوں نے سولال سایدا کے ساتھ تصاویر انسٹاگرام پر پوسٹ کر دیں۔
سب سے پہلے انہوں نے ایک تصویر شہیر کی جس میں دیکھا جا سکتا ہے کہ اروشی اور سولال ایک ساتھ سیلفی لے رہے ہیں جبکہ اداکارہ کے ہاتھ میں خوبصورت سا اسمارٹ فون کور ہے جس پر ہیرے لگے ہوئے ہیں۔
متعلقہ: اروشی روٹیلا رشبھ پنت کی عیادت کرنے اسپتال پہنچ گئیں؟
بتایا جا رہا ہے کہ کور کی قیمت تقریباً تین لاکھ (بھارتی روپے) کے لگ بھگ ہے اور یہ اداکارہ کو سولال نے بطور تحفہ دیا ہے۔
اروشی روٹیلا نے مذکورہ تصویر کو شیئر کرتے ہوئے کئی ہیش ٹیگ استعمال کیے جن میں سے ایک #Love تھا۔
View this post on Instagram
اداکارہ نے تین عدد تصاویر مزید شیئر کیں جن میں اداکارہ کو سولال سایدا کے ساتھ ایک ریسٹورنٹ میں بیٹھے ہوئے دیکھا جا سکتا ہے۔ ایک تصویر میں اروشی خوبصورت ڈائمنڈ انگوٹھی پہنے نظر آ رہی ہیں۔
تصاویر پر اروشی روٹیلا کے مداح پریشان ہوگئے اور وہ ایک ہی سوال کر رہے ہیں کہ کیا اروشی نے بھارتی کرکٹر رشبھ پنت کو چھوڑ دیا؟
