امریکا نے بھارت کو ڈرون بیچنے سے انکار کرتے ہوئے تین ارب ڈالر کے ڈرون کی فروخت روک دی۔
تفصیلات کے مطابق امریکا نے بھارت کو 3 ارب ڈالر کے ڈرون کی فروخت روک دی ، جون2023میں معاہدےکےتحت امریکانے31اےنائن ایم کیوگارڈین اوراسکائی گارڈین ڈورن بھارت کو فراہم کرنے تھے۔
امریکا نے ڈرون ہتھیاروں کی فراہمی کو مسترد کرتے ہوئے بھارت کووارننگ جاری کردی، امریکا نے بھارت سے مطالبہ کیا گرپتونت سنگھ پنوں کو قتل کرنے کی سازش کی معنی خیزتحقیقات کروائی جائیں۔
امریکی حکومت کا کہنا تھا کہ جب تک مودی سرکارگرپتونت سنگھ پنوں کےخلاف سازش کی مکمل تحقیقات نہیں کروائے گی، ڈرون نہیں بھیجے جائیں گے۔
3 بلین ڈالرکی مجوزہ خریداری میں بھارتی بحریہ کیلئے15سی گارڈین ڈرون شامل تھے جبکہ بھارتی فضائیہ اورفوج کوآٹھ آٹھ اسکائی گارڈین ڈرون ملنے تھے۔
جون 2023 میں ہندوستانی حکومتی اہلکاروں کی جانب سے سکھ رہنما گرپتونت سنگھ پنوں کو قتل کرنے کی کوشش کی گئی ، گرپتونت سنگھ پر حملے سے ایک ہفتہ پہلے امریکہ اور ہندوستان کے مابین ڈرون خریداری کا معاہدہ طے پایا تھا۔
امریکی ذرائع کے مطابق پنوں کے قتل کی کوشش پر غصے کی وجہ سے یہ خریداری امریکی کانگریس میں مسترد ہوئی ہے۔
امریکی نمائندوں نے ڈرون کی فروخت کے لیے درکار قانون کاروائی کو منجمد کردیا ہے، نومبر 2023 میں ہندوستانی ایجنٹ کو امریکی ایجنسی کی جانب سے گرفتار کیا گیا، جس کے بعد اس نے گرپتونت سنگھ کے قتل میں ہندوستانی حکام کے ملوث ہونے کا اعتراف کیا تھا۔
