اسرائیل کی صہیونی حکومت نے جب سے رفح میں زمینی آپریشن کی تیاری شروع کی ہے، اس کے سب سے بڑے حلیف امریکا کا لہجہ بھی بدل گیا ہے، الجزیرہ کے ایک سینئر سیاسی تجزیہ کار کا کہنا ہے کہ امریکا نے پھر بھی پالیسی نہیں بدلی۔
مروان بشارا الجزیرہ کے سینئر سیاسی تجزیہ کار ہیں، ان کا کہنا ہے کہ امریکا نے اپنا لہجہ تو بدل دیا ہے لیکن اسرائیل کے بارے میں اپنی پالیسی اب بھی نہیں بدلی۔
مروان بشارا نے کہا کہ امریکی صدر جو بائیڈن اور اسرائیلی وزیر اعظم نیتن یاہو کے درمیان اختلافات بہت واضح ہو چکے ہیں اور ان کے درمیان گرما گرمی بھی بڑھتی جا رہی ہے۔
انھوں نے اس سلسلے میں گفتگو کرتے ہوئے کہا ’’میرے خیال میں بائیڈن نے پالیسی نہیں بلکہ صرف لہجہ بدلا، یہی وجہ ہے کہ اس بات کی تھوڑی سی وضاحت ہو جاتی ہے جیسے وہ اپنے منھ کے دونوں اطراف سے بول رہے ہوں۔ یعنی ایک طرف وہ ریڈ لائنز کی بات کرتے ہیں، اور دوسری طرف وہ اسرائیل کے لیے غیر مشروط حمایت جاری رکھنے کی بات کرتے ہیں۔‘‘
غزہ جنگ بندی معاہدے سے متعلق قطر کا تشویش ناک بیان
مروان بشارا نے کہا بائیڈن انتظامیہ نے جو ’’غلطی‘‘ کی اس نے اسرائیل کے لیے امریکی حمایت کو غیر مشروط بنا دیا۔ انھوں نے کہا اب جنگ بندی کا مطالبہ بند کرنے اور اسرائیلی جارحیت کے خاتمے کا مطالبہ کرنے کا وقت آگیا ہے۔
