امریکی کوسٹ گارڈز کا کہنا ہے کہ لاپتہ آبدوز ٹائٹں کے ملبے کے آثار ملے ہیں۔
غیرملکی خبررساں ادارے کی پورٹ کے مطابق امریکی کوسٹ گارڈز کا کہنا ہے کہ ملبے کے آثار ٹائی ٹینک جہاز کی باقیات کے قریب سے ملے ہیں۔
کوسٹ گارڈز کا بتانا ہے کہ آثار ریموٹ کنٹرول آبی گاڑی کی مدد سے دیکھے گئے، ماہرین نئی ملنے والی معلومات کا جائزہ لے رہے ہیں۔
لاپتہ آبدوز ٹائٹن کے ملبے کا سراغ مل گیا، آثار ٹائی ٹینک ملبے کے قریب ملے، امریکی کوسٹ گارڈز#ARYNews #Titan #Titanic pic.twitter.com/0IB98WhVEO
— ARY NEWS (@ARYNEWSOFFICIAL) June 22, 2023
واضح رہے کہ بحر اوقیانوس میں دنیا کے امیر ترین شخصیات کو ٹائی ٹینک کی باقیات دیکھانے کے لیے لے جانے والی آبدوز ٹائٹن لاپتا ہے جس کی تلاش کے لیے بڑے پیمانے پر سرچ آپریشن جاری ہے۔
خیال رہے کہ ٹائی ٹینک کاملبہ دکھانے کے لیے سیاحوں کو لےجانے والی آبدوز 18 جون کو لاپتا ہوئی تھی، جس کی تلاش کے لیے امریکا،کینیڈا اور فرانس کی ٹیمیں مصروف ہیں۔
یہ آبدوز کینیڈا کے جزیرے نیو فاؤنڈلینڈ سے روانہ ہوئی تھی، امریکی کوسٹ گارڈ کے مطابق اتوار کے روز سفر کے آغاز کے ایک گھنٹہ 45 منٹ بعد ہی آبدوز کا رابطہ منقطع ہو گیا تھا۔
ٹائی ٹینک جہاز کا ملبہ نیو فاؤنڈلینڈ کے ساحل سے تقریباً 600 کلومیٹر دور بحر اوقیانوس میں 12 ہزار 500 فٹ گہرائی میں موجود ہے۔