بالٹیمور: ریپبلکن رکن کانگریس اور پاکستان کاکس کے وائس چیئرمین جم بنکس کا کہنا ہے کہ امریکا پاکستان کے ساتھ بہتر تعلقات چاہتا ہے، پاکستان کی ہر حکومت کے ساتھ بہتر تعلقات کے لیے بات کرنے کو تیار ہیں۔
تفصیلات کے مطابق ریپبلکن رکن کانگریس اور پاکستان کاکس کے وائس چیئرمین جم بنکس نے امریکی ریاست میری لینڈ کے شہر بالٹی مور میں میڈیا سے گفتگو پاک امریکا تعلقات کو بہت اہم قرار دیا۔
انھوں نے کہا صدر جو بائیڈن دونوں ملکوں کے درمیان بہتر تعلقات کے لیے اپنا کردار ادا کریں، دنیا کے بدلتے ہوئے حالات میں پاک امریکا تعلقات انتہائی اہم ہیں۔
- Advertisement -
جم بنکس نے کہا کہ ارکان کانگریس کا خط کسی ایک پارٹی یا فرد کی حمایت کے لیے نہیں تھا، ری پبلکن رکن کانگریس نے پاکستان کاکس کے بانی رکن طاہر جاوید سے بھی ملاقات کی۔
