کراچی میں امریکی لائبریری’ لنکن کارنر‘ کا افتتاح -
The news is by your side.

Advertisement

کراچی میں امریکی لائبریری’ لنکن کارنر‘ کا افتتاح

کراچی: امریکی قونصل جنرل برائن ہیتھ نے پاکستان امریکن کلچرل سینٹر (PACC)میں نئی امریکی لائبریری ’لنکن کارنر‘کا افتتاح کیا۔

اس موقع پر PACCکے صدر فہیم من والا،ایگزیکٹوڈائریکٹرارشد ندیم اورثقافتی پروگرام ڈائریکٹرناصر سلیم بھی موجود تھے، امریکی قونصل خانے کے شعبہ تعلقات عامہ کے سربراہ مارک کینڈرک اور ثقافتی اتاشی لی پنگ لونے بھی تقریب میں شرکت کی۔

افتتاحی تقریب سے خطاب کرتے ہوئے قونصل جنرل برائن ہیتھ نے کہا کہ PACCمیں قائم ہونے والی لنکن کارنر لائبریری کا افتتاح پاکستانی عوام کے ساتھ امریکی حکومت کے تعلق کو مزید مستحکم کرے گا۔اس لائبریری کے ذریعے پاکستانی عوام امریکی ثقافت اور معاشرت کے بارے میں معلومات حاصل کرنے کے ساتھ ساتھ امریکا میں تعلیم اور امریکی تبادلہ پروگراموں کے بارے میںبھی جان سکیں گے۔

برائن ہیتھ کا کہنا تھا کہ لنکن کارنر لائبریری میں آنے والے افرادکو محفوظ اور صاف ستھرے ماحول میں جدید سہولیات فراہم کی جا رہی ہیں۔یہاں آنے والے افرادنا صرف کتابیں،جرائداور فلمیں حاصل کرسکیں گےبلکہ مفت کمپیوٹر اور وائی فائی بھی استعمال کر سکیںگے۔

قونصل جنرل کا کہنا تھا کہ ہر عمر کے طلبا، اساتذہ اور معاشرے کے دیگر طبقوں سے تعلق رکھنے والے افراد لنکن کارنر آسکتے ہیںاورتمام سہولیات سے مفت استفادہ کر سکتےہیں۔

PACCمیں لنکن کارنر لائبریری کے باقاعدہ آغاز سے پہلےہی یہاں دو کامیاب پروگرام منعقد کیے جا چکے ہیں جبکہ اس مہینے کے آخر میں گرافک ڈیزائننگ کے بارے میں ایک ورکشاپ کا انعقاد کیا جائے گا۔

’لنکن کارنر ز‘لائبریریاں امریکا کے 16ویں صدر ابراہم لنکن کے نام سے منسوب ہیں اور امریکا کے بارے میں مستند معلومات کا اہم ذریعہ ہیں۔دنیا بھر میں اس وقت700’لنکن کارنر ز‘ قائم ہیں جبکہ پاکستان میں ان کی تعداد 20ہے۔صوبہ سندھ میں کراچی، حیدرآباد، خیرپور اور لاڑکانہ میں یہ لائبریریاں موجود ہیں، طلبا اور اساتذہ ان لائبریریوں میں موجود سہولیات سےمفت فائدہ اٹھا سکتے ہیں۔

Comments

comments

یہ بھی پڑھیں