نیویارک: امریکی خاتون پولیس افسر نے اپنی غیر اخلاقی تصاویر وائرل ہونے پر امریکی پولیس کے خلاف مقدمہ درج کرادیا ہے۔
غیر ملکی ذرائع ابلاغ کے مطابق 12 سال قبل نیویارک پولیس کی خاتون افسر نے اپنے سابق بوائے فرینڈ کو بھیجی گئی عریاں تصاویر بار بار وائرل کیے جانے پر اپنے ہی محکمے کیخلاف کیس فائل کردیا ہے۔
رپورٹ کے مطابق مقدمے میں کہا گیا ہے کہ 2012 میں 34 سالہ خاتون افسر الیسا نے پولیس میں ملازمت اختیار کی تھی، اسی سال 2012 میں اپنے ساتھی افسر لیفٹیننٹ مارک رویرا کے ساتھ انکی کچھ ماہ تک ڈیٹنگ رہی۔
خاتون افسر نے الزام لگایا کہ جو تصاویر وائرل کی جارہی ہیں وہ انہوں نے لیفٹیننٹ مارک رویرا کو بھیجی تھیں جنہوں نے مبینہ طور پر دوسرے پولیس اہلکاروں کے ساتھ انہیں شیئر کیا۔
خاتون افسر نے الزام لگایا کہ بعض افسران نے ان پر دباؤ ڈالا کہ وہ اس واقعے کی شکایت درج نہ کرائیں کیونکہ وہ پہلی یا آخری خاتون نہیں ہیں جو اس طرح کے واقعے کا شکار ہوئی ہیں۔
خاتون افسر کا مقدمہ کے متن میں کہنا تھا کہ انکی عریاں تصاویر پولیس کے چیٹ گروپس اور ٹیکسٹ میسجز چینز میں شیئر کی گئیں، جس میں انکے والدین کے ایڈریس جیسی ذاتی معلومات بھی شامل تھیں۔
بھارت: ہسپانوی سیاح کو اجتماعی زیادتی کا نشانہ بنانے والے 3 ملزمان گرفتار
نیو یارک پولیس کی جانب سے اس معاملے پر بات کرنے سے انکار کردیا گیا ہے، پولیس کا کہنا ہے کہ ہم کسی بھی شکل میں امتیازی سلوک یا جنسی طور پر ہراساں کرنے کو برداشت نہیں کرتے۔
