The news is by your side.

Advertisement

امریکا کی صدی کی ڈیل کامیاب نہیں ہوگی، حماس رہنماء مشعل خالد

استنبول : فلسطین کی مزاحمتی تنظیم حماس کے رہنما خالد مشعل کا کہنا ہے کہ ’کچھ ممالک ترکی اور دوسرے ممالک کے صدی کی ڈیل کے مخالف ہونے سے بے چینی کا شکار ہیں‘۔

تفصیلات کے مطابق حماس کی سیاسی بیورو کے سربراہ خالد مشعل نے امریکی انتظامیہ اور اسرائیل پر الزام عائد کیا ہے کہ انہوں نے صدی کی ڈیل کو قبول کرنے کے لیے چند علاقائی ممالک کو لالچ دینے کی کوشش کی ہے۔

خالد مشعل کا صدی کی ڈیل سے متعلق کہنا تھا کہ اسکا مقصد صرف فلسطینی کاز کا خاتمہ ہے۔

میڈیا رپورٹس کے مطابق مشعل نے یہ بات استنبول کے ضلع ییوب کے بلدیہ ہیڈکوارٹر میں فلسطین کے دوستوں کی جانب سے منعقد کردی ایک ملاقات میں ترکی کے قانون سازوں کے ایک گروپ سے بات چیت میں کہی۔

حماس کے سابق چیف نے کہا کہ کچھ ممالک ترکی اور دوسرے ممالک کے صدی کی ڈیل کے مخالف ہونے سے بے چینی کا شکار ہیں۔

مشعل نے کہا کہ ترکی جیسے بڑے ملک کے فلسطینیوں کے ساتھ کھڑا ہونے سے صہیونی ادارے بے چینی کا شکار ہیں، لہذا اسرائیلی لیڈر ترکی اور اسکی قیادت پر تنقید کو کیسے روک سکتے ہیں۔

انہوں نے تصدیق کی کہ غزہ میں اناضول ایجنسی کے دفتر پر حالیہ اسرائیلی بمباری ترکی کی جانب سے فلسطینیوں کے معاون موقف کا نتیجہ ہے۔

خالد مشعل نے زور دیتے ہوئے کہا کہ خطے کے دوسرے رہنماوں کی منظوری کے باوجود امریکی صدی کی ڈیل کامیاب نہیں ہوگی کیونکہ فلسطینی عوام اور انکی قیادت اس کے خلاف متحد ہیں۔

Comments

comments

یہ بھی پڑھیں