site
stats
عالمی خبریں

امریکی شہریوں کو سعودی عرب کے سفر میں احتیاط برتنے کی ہدایت

واشنگٹن: امریکی محکمہ خارجہ کا کہنا ہے کہ امریکی شہری سعودی عرب کے سفر میں احتیاط کریں، اطلاعات موصول ہوئی ہیں کہ امریکی شہریوں پر حملے کا خطرہ ہے.

تفصیلات کے مطابق امریکا نے ٹریول ایڈوائزری جاری کرتے ہوئے اپنے شہریوں کو سعودی عرب کے سفر میں احتیاط برتنے کی ہدایت کردی ہے، امریکی محکمہ خارجہ جان کا کہنا ہے کہ یہ وارننگ معمول کی کارروائی ہے ، امریکیوں پر دہشت گرد حملوں کے خدشات ہیں۔

سفری انتباہ میں کہا گیا ہے کہ امریکی شہریوں سعودی عرب کا سفر کرتے ہوئے محتاط رہیں، خاص کر ہجوم والی جگہوں پر جانے سے پرہیز کریں۔

امریکی صدر اور سعودی عرب کے نائب ولی عہد کے درمیان ملاقات

خیال رہے رواں ماہ امریکی صدر ڈونالڈ ٹرمپ کی سعودی عرب کے نائب ولی عہد اور وزیر دفاع شہزادہ محمد بن سلمان کے درمیان اوول آفسں وائٹ ہاؤس میں ملاقات کی خبرمیڈیا کی زینت بنی تھی۔


مزید پڑھیں : جدہ : امریکی قونصل خانے کے قریب خودکش دھماکہ


واضح رہے گذشتہ سال جولائی میں سعودی عرب کے شہر جدہ میں خودکش حملہ آور نے خود کو امریکی قونصل خانے کے پاس دھماکے سے اڑادیا تھا،جس کے نتیجے میں حملہ ہلاک اور دو افراد زخمی ہوگئے تھے۔

اس سے قبل جدہ میں امریکی قونصل خانے کے قریب دھماکہ امریکہ کے یوم آزادی کے موقع پرہوا تھا،اس سے قبل2004 میں جدہ ہی کے امریکی قونصل خانے کو حملے میں نشانہ بنایا گیا تھا،جس میں نو افراد جان کی بازی ہار گئے تھے۔

واقعے کے بعد امریکی محکمہ خارجہ نے سعودی عرب میں مقیم اپنے شہریوں کو غیر ضروری سفر کرنے سے گریز کا مشورہ دیا تھا اور سعودی حکومت پر زور دیا تھا کہ وہ امریکی شہریوں کی حفاظت کو یقینی بنائے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top