ڈیموکریٹ صدارتی امیدوار ہیلری کلنٹن نمونیا کا شکار ہوگئیں -
The news is by your side.

Advertisement

ڈیموکریٹ صدارتی امیدوار ہیلری کلنٹن نمونیا کا شکار ہوگئیں

واشنگٹن : ڈیموکریٹ صدارتی امیدوار اور سابق امریکی وزیرخارجہ ہیلری کلنٹن نمونیا کا شکار ہوگئیں، ڈاکٹرزکا کہنا ہے ہلیری کی طبیعت بہترہورہی ہے۔

صدارتی انتخاب کی دوڑ میں شریک ہیلری کلنٹن لڑکھڑا گئیں، نائن الیون کو پندرہ سال مکمل ہونے کی تقریب میں شریک سابق امریکی وزیرخارجہ اورصدر بننے کی امیدوارہیلری کلنٹن گرمی میں پانی کی کمی کا شکار ہوکرلڑکھڑا گئیں۔ طبیعت خراب ہونے کے باعث ہیلری کلنٹن گھر چلی گئیں، جہاں ڈاکٹروں نے ان کا معائنہ کیا۔

hillary-1

ڈاکٹروں کے مطابق مختلف الرجیز کی وجہ سے ہیلری کو کھانسی کی شکایت بھی تھی جبکہ ہیلری کلنٹن نمونیہ کا بھی شکار ہیں تاہم ان کی طبیعت میں بہتری آرہی ہے۔

ناسازی طبیعت کی وجہ سے ہیلری کلنٹن نےاپنی الیکشن مہم کےسلسلے میں کیلیفورنیا کا دورہ منسوخ کردیا۔

 

ہلیری کلنٹن کے انتخابی دفتر سے جاری بیان میں کہا گیا ہے کہ ’سیکریٹری کلنٹن نے ستمبر 11 کی تقریبات میں متاثرہ خاندانوں کے ساتھ اظہارِ یک جہتی کے لیے ڈیڑھ گھنٹے تک شمولیت اختیار کی۔ تقریب کے دوران ان کی طبعیت ناساز ہونے پر وہ وہاں سے اپنی بیٹی کے گھر چلی گئیں تاہم اب وہ بہتر محسوس کر رہی ہیں۔

clinton

مخالف امیدوار نے ہیلری پر وار کرتے ہوئے کہا کہ وہ امریکہ کے صدرکا عہدہ سنبھالنے کے قابل نہیں، جوابا ہیلری نے بھی بتا دیا کہ وہ صدارتی ذمہ داریوں کے لئے مکمل طورپر فٹ ہیں۔

امریکا میں صدارتی انتخاب نومبر میں ہوگا اور ہیلری کلنٹن کامیابی کی صورت میں امریکا کی پہلی خاتون صدر بن جائیں گی۔

Comments

comments

یہ بھی پڑھیں