اسلام آباد: وفاقی دارالحکومت میں قائم امریکی سفارت خانے سے پاکستانیوں کو خوش خبری سنائی ہے کہ اب انہیں ویزہ گھر بیٹھے فراہم کیا جائے گا۔
اسلام آباد میں قائم امریکی سفارت خانے کے آفیشل ٹویٹر اکاؤنٹ پر خوش خبری سنائی گئی کہ سفارت خانے کی جانب سے ویزوں کا اجرا بذریہ پوسٹ بھی کیا جائے گا۔ اعلامیے میں بتایا گیا ہے کہ درخواست گزار کو گھر پر ویزہ حاصل کرنے کے لیے 700 روپے اضافی فیس ادا کرنا ہوگی۔
سفارت خانے کی جانب سے کیے جانے والے ٹویٹ میں پاکستانیوں کو خوش خبری سناتے ہوئے بتایا گیا ہے کہ اب درخواست گزار کے پاس سہولت ہوگی کہ وہ گھر بیٹھے بھی ویزہ حاصل کرسکتا ہے، اس ضمن میں اُسے فیس کی ادائیگی کرنا ہوگی۔
اعلامیے کے مطابق اگر درخواست گزار اپنے پتے پر بذریعہ ڈاک ویزہ اور پاسپورٹ حاصل کرنے کا خواہش مند ہوگا تو اُسے درخواست پر موجود ’پریمیئم ڈلیوری‘ کا انتخاب کرنا ہوگا جس کے بعد گھر پر ہی تمام کاغذات گھر پر ہی ارسال کیے جائیں گے۔
Good news! We are now offering OPTIONAL home delivery service for your U.S. #visa! For a cash-on-deliver fee of PKR 700, we will send your passport & visa to any Pakistani address. To utilize this new service, select the “premium delivery” option during the application process. pic.twitter.com/l89HnLvxgT
— U.S. Embassy Islamabad (@usembislamabad) December 4, 2019
یاد رہے کہ رواں سال کے آغاز پر امریکا نے پاکستانیوں کو ویزہ جاری کرنے کے حوالے سے نئی پالیسی کا اعلان کیا تھا جس میں فیس کی رقم کو بڑھا کر مدت میں بھی کمی کی گئی تھی۔
